നോര്‍ക്ക-റൂട്ട്സ് അറ്റസ്റ്റേഷന്‍ സ്ഥാപനം കണ്ണൂരില്‍ പരിശീലന ക്ലാസ്സ്‌ സംഘടിപ്പിക്കുന്നു....

വിദേശത്തേക്ക് ജോലിക്ക് പോകുന്നവര്‍ക്ക് വേണ്ടിയുള്ള സര്‍ട്ടിഫിക്കറ്റുകള്‍ അറ്റസ്റ്റ് ചെയ്യുന്നതിനായുള്ള നോര്‍ക- റൂട്ട്സ് എച്ച് ആര്‍ ഡി എന്ന സ്ഥാപനം
ഒരു ദിവസത്തെ Pre-Departure പ്രോഗ്രാം എന്ന പേരില്‍ പരിശീലന ക്ലാസ്സ്‌ സംഘടിപ്പിക്കുന്നു. ഈ മാസം 22-നാണ് ക്ലാസ്സ്‌ സംഘടിപ്പിക്കുന്നത്. വിദേശ യാത്ര സംബന്ധിയായ നിയമങ്ങള്‍ , നിബന്ധനകള്‍ , അംഗീകൃത ഏജന്‍സികള്‍ , കരാര്‍ ( എഗ്രിമെന്‍റ് ) സംബന്ധിച്ച വിവരങ്ങള്‍ തുടങ്ങി വിവിധ കാര്യങ്ങളില്‍ പരിശീലനം ലഭിക്കുന്നതാണ്.താല്പര്യമുള്ളവര്‍ കണ്ണൂര്‍ നോര്‍ക സെല്ലുമായി ബന്ധപ്പെടാവുന്നതാണ്.

ഫോണ്‍ : 0497-2765310

ഓണം സ്പെഷ്യല്‍ റേഷന്‍ പഞ്ചസാര 10 വരെ ലഭിക്കും....

ഓണം പ്രമാണിച്ച് സംസ്ഥാനത്തെ എല്ലാ റേഷന്‍ കാര്‍ഡുടമകള്‍ക്കും ഒരു കിലോ ഗ്രാം പഞ്ചസാരയുടെയും BPL കാര്‍ഡുടമകള്‍ക്കും അഗസ്റ്റി‍ലെ നോര്‍മല്‍ പഞ്ചസാരയുടെയും വിതരണം ഈ മാസം 10 വരെ നീട്ടിയതായി ജില്ല സപ്ലൈ ഓഫീസില്‍ നിന്നുള്ള അറിയിപ്പില്‍ വ്യക്തമാക്കുന്നു.

തൊഴില്‍ അവസരം : ഡാറ്റാ എന്‍ട്രി ഓപ്പറേറ്റര്‍മാരുടെ ഒഴിവുകള്‍.....

കൊച്ചി ഇടപ്പള്ളി ആസ്ഥാനമായി പ്രവര്‍ത്തിക്കുന്ന  NSS കന്‍സല്‍ട്ടിംഗ് പ്രൈവറ്റ് ലിമിറ്റഡ് എന്ന പ്രൈവറ്റ് ഐ ടി കമ്പനി കണ്ണൂരില്‍ ജില്ലാ എംപ്ലോയ്മെന്‍റ് എക്സ്ചേഞ്ചിന്‍റെ സഹകരണത്തോടെ ടാറ്റ എന്‍ട്രി ഓപ്പറേറ്റര്‍മാരുടെ തസ്തികയിലേക്ക് നിയമനം നടത്തുന്നു. 50 താല്‍കാലിക ഒഴിവുകലാനുള്ളത്.
താല്പര്യമുള്ളവര് സര്‍ട്ടിഫിക്കറ്റുകള്‍ സഹിതം ജില്ലാ സ്പോര്‍ട്സ്‌ കൌണ്‍സില്‍ ഹാളില്‍ നടക്കുന്ന ഇന്റര്‍വ്യൂവില്‍ പങ്കെടുക്കണം.ഒക്ടോബര്‍ 3-നു രാവിലെ 10  മണി മുതലാണ്‌  ഇന്റര്‍വ്യൂ നടക്കുക.ടാറ്റാ എന്‍ട്രി ഒപരെഷനിലുള്ള പ്രാവീണ്യവും പ്ലുസ്ടു ആണ് യോഗ്യത.പ്രായ പരിധി 40 വയസ്സ്.ശമ്പളം 6000 രൂപ. കൂടുതല്‍ വിവരങ്ങള്‍ക്ക് 0472700831 ബന്ധപ്പെടാം.

  

കണ്ടതും കേട്ടതും.......

കണ്ണൂര്‍ ധനലക്ഷ്മി ആശുപത്രിക്ക് നേരെ ആക്രമണം നടക്കുന്നുവെന്ന പ്രചാരണം രോഗികളെയും മറ്റും കുറച്ചു നേരത്തേക്കെങ്കിലും ആശങ്കയിലാക്കി.കഴിഞ്ഞ ദിവസം കണ്ണപുരം സ്വെദേശി മരിക്കാനിടയായ സംഭവത്തെ കുറിച്ച്  മരിച്ചയാളുടെ ബന്ധുക്കളും ആശുപത്രി അതികൃതരും തമ്മില്‍ വാക്കേറ്റം നടക്കുന്നതിനിടയില്‍ ആരോ ഒരാള്‍  പോലീസ് സ്റ്റേനിലെക്കും പത്രമാഫീസ്സിലെക്കും ഫോണ്‍ വിളിച്ച് ആശുപത്രില്‍ ആക്രമം നടക്കുന്നു എന്ന് വിവരമറിയിച്ചു.ഉടന്‍ തന്നെ പോലീസും പത്രപ്രവര്‍ത്തകരും ആശുപത്രിയിലെതിയപ്പോഴാണു രോഗികളും അവരുടെ ബന്ധുക്കളും മറ്റും വിവരം അറിയുന്നത്.  പോലീസ് കാര്യം തിരക്കിയപ്പോള്‍ വാര്‍ത്ത "അടിച്ചു വിട്ടതാ" ണെന്ന്" മനസ്സിലായി.  ആര്‍ക്കും പരാതി ഇല്ലാത്തതിനാല്‍ കേസൊന്നും എടുക്കാതെ പോലീസ് തിരിച്ചു പോവുകയും ചെയിതു.

ബൈക്കും ജീപ്പും കൂട്ടിയിടിച്ചു യുവാവിന് പരിക്കേറ്റു.....

മുണ്ടയാട്: ബൈക്കും ജീപ്പും കൂട്ടിയിടിച്ചു കുറ്റിയാട്ടൂര്‍ സ്വദേശി രജീഷ്(25)എന്ന യുവാവിനെ  ‍തലയ്ക്കും വയറിനും സാരമായ പരിക്കുകളോടെ പരിയാരം മെഡിക്കല്‍ കോളേജില്‍ പ്രവേശിപ്പിച്ചു‌.ഇന്നലെ രാത്രി 11 മണിക്ക് മേലെചൊവ്വ -  മട്ടന്നൂര്‍ റോഡില്‍ മുണ്ടയാട് വെച്ചാണ് അപകടം. 

"ആദമിന്‍റെ മകന്‍ അബു" എന്ന സിനിമ "Oscar" - ലേക്ക്....?

കേന്ദ്ര സര്‍ക്കാരിന്‍റെയും സംസ്ഥാന സര്‍ക്കാരിന്‍റെയും മറ്റും നിരവധി അവാര്‍ഡുകള്‍ വാരിക്കൂട്ടിയ " ആദമിന്‍റെ മകന്‍ അബു" എന്ന മലയാള സിനിമ, ലോകത്തെ ഏറ്റവും വലിയ ചലച്ചിത്ര അവാര്‍ഡായ "Oscar" പരിഗണനയില്‍. ഇതിനു മുന്‍പ്‌ "ഓസ്കാര്‍" അവാര്‍ഡിനായി പരിഗണയില്‍ വന്നത്‌ 1997-ല്‍ റിലീസ് ചെയിത "ഗുരു" എന്ന ചിത്രമായിരുന്നു.റസൂല്‍ പൂക്കുട്ടിക്ക് ശേഷം മലയാളക്കരയിക്ക് വീണ്ടും ഒരു ഓസ്കാര്‍ സ്പര്‍ശം ഉണ്ടായിരിക്കുമോ...? അതിനു വേണ്ടി കാത്തിരിക്കാം. 2012 ഫെബ്രുവരി 26-നാണ് അവാര്‍ഡ്‌ദാന ചടങ്ങ് നടക്കുക.
കണ്ണൂര്‍ മട്ടന്നൂര്‍ പാലോട്ടു പള്ളിയിലെ അഹമദ്‌ സലിം എന്ന നവാഗത സംവിധായകനാണ് ഈ ചിത്രം സംവിധാനം ചെയിതിരിക്കുന്നത്.

http://en.wikipedia.org/wiki/List_of_Indian_submissions_for_the_Academy_Award_for_Best_Foreign_Language_Film