ജില്ലയിലെ ട്രാഫിക് പരിഷ്കരണത്തിന്റെ ഭാഗമായി താണയില് സ്ഥാപിച്ച ട്രാഫിക് സിഗ്നല് സംവിധാനം പ്രവര്ത്തനമാരംഭിച്ചു.കുറച്ചു ദിവസമായി ട്രയല് റണ് നടത്തിയിരുന്ന ഈ സംവിധാനം വിജയം കണ്ടെത്തിയിരുന്നു.സിഗ്നല് സംവിധാനം നിലവില് വരുന്നതോടെ താണ ജംക്ഷനില് നിലനിന്നിരുന്ന ഗതാഗതക്കുരുക്കിനും അപകട ഭീഷണിക്കും അറുതിയുണ്ടാവും. റോഡിന്റെ ഇരുവശത്തു നിന്നും വാഹനങ്ങള് വളരെ വേഗതയോടെ ഓടിക്കൊണ്ടിരുന്നപ്പോള് നിരവധി റോഡപകടങ്ങള്ക്ക് വേദി ആയിട്ടുണ്ട് ഈ ജങ്ക്ഷന്.പ്രധാന ഹോസ്പിറ്റലുകളും വിദ്യാഭ്യാസ സ്ഥാപങ്ങളും സ്ഥിതി ചെയ്യുന്ന താണ ജില്ലയിലെ ഗതാഗതക്കുരുക്കനുഭവപ്പെടുന്ന സ്ഥലങ്ങളില് ഒന്നാണ്.താണയെ കൂടാതെ മേലെചൊവ്വ , കാല്റ്റെക്സ് ജംക്ഷന് എന്നിവിടങ്ങളിലും സിഗ്നല് സംവിധാനം സ്ഥാപിച്ചിട്ടുണ്ട്.
