പ്രിയദര്‍ശിനി കള്‍ച്ചറല്‍ സെന്റല്‍ കെട്ടിടം തകര്‍ത്തു

ഏച്ചൂര്‍: ഏച്ചൂരിലെ പ്രിയദര്‍ശിനി കള്‍ച്ചറല്‍ സെന്റര്‍ കെട്ടിടവും കോണ്‍ഗ്രസ് കൊടിമരവും തകര്‍ത്തു. കാരംസ് ബോര്‍ഡ്, ഫര്‍ണിച്ചര്‍, നേതാക്കന്മാരുടെ ഛായാചിത്രങ്ങള്‍ എന്നിവ നശിപ്പിച്ചിട്ടുണ്ട്. തുടര്‍ച്ചയായ നാലാംതവണയാണ് കെട്ടിടം ആക്രമിക്കപ്പെടുന്നത്. സംഭവത്തില്‍ മുണ്ടേരി മണ്ഡലം കോണ്‍ഗ്രസ് കമ്മിറ്റിയും യൂത്ത് കോണ്‍ഗ്രസ് കമ്മിറ്റിയും പ്രതിഷേധിച്ചു. ചക്കരക്കല്‍ പോലീസില്‍ പരാതി നല്‍കി.